"Windows XP"dəki məşhur təpə əvvəlki görünüşünü itirdi

"Windows XP" işçi masasında təsvir olunan yaşıl təpənin indiki görüntüsü sosial şəbəkələrdə yayılıb.

Oxu.Az afisha.ru-ya istinadən xəbər verir ki, bununla bağlı görüntünü sosial şəbəkə istifadəçilərindən biri paylaşıb.

"Bliss" (Bucolic Green Hills) adlı məşhur fotoşəkil Kaliforniyanın Napa vadisinin yaşıl təpələrini və mavi səmasını əks etdirir. Ancaq o vaxtdan bəri orada çox şey dəyişib.

İstifadəçi sahənin 1998, 2006, 2020, 2024 və 2025-ci illərdə necə göründüyünü əks etdirən fotolar yerləşdirib. Yeni görüntülər milyonlarla kompüter üçün fon rolunu oynayan yaşıl təpələrin yoxa çıxdığını - onların yerində indi üzüm bağının olduğunu göstərir.

"Əvvəllər buna baxırdım və orada olmağı xəyal edirdim... Amma indi kədərlənirəm", - deyə bir istifadəçi yazıb. "Depressiya məhz belə görünür", - deyə başqa biri əlavə edib.

"Bliss" adlı təsvir fotoqraf Çarlz O'Rier tərəfindən Kaliforniyanın Napa və Sonoma dairələrinin sərhədi yaxınlığında avtomobil sürərkən çəkilib. O, üzüm bağlarının arasında sahələrdən birinin tamamilə təmiz olduğunu görüb dayanıb.

Məlum olub ki, ötən il sahə üzüm tənəklərini məhv edən həşərat olan fillokseranın təsirinə məruz qalıb və ora təmizlənib. Məhz buna görə də 1998-ci ildə çəkilmiş fotoşəkildə yaşıl sahələr, sonrakı fotoda isə bərpa olunmuş üzüm bağı əks olunur.