Bu gün Ağdərə rayonunda minaya düşən Bərdə rayon sakini 1990-cı il təvəllüdlü Natiq Namiq oğlu Əliyevin vəziyyəti məlum olub.
Bu barədə Oxu.Az-a Tibbi Ərazi Bölmələrini İdarəetmə Birliyindən (TƏBİB) bildirilib:
"16 noyabr saat 13:20-də Ağdərə rayonunun Sırxavənd kəndi ərazisində minaya düşmə səbəbi ilə xəsarət alan 1990-cı il təvəllüdlü şəxs (kişi) Bərdə Rayon Mərkəzi Xəstəxanasına təxliyə olunub.
Pasiyentin üzərində sol aşağı ətrafın baldırın yuxarı 1/3-dən amputasiya əməliyyatı icra olunub. Hazırda Reanimasiya şöbəsində müalicəsi davam etdirilir, vəziyyəti ağırdır".
Şükufə Süleymanlı
Ağdərə rayonunda mina hadisəsi baş verib.
Bu barədə Oxu.Az-a Azərbaycan Respublikası Daxili İşlər Nazirliyi, Baş Prokurorluq və Minatəmizləmə Agentliyinin (ANAMA) mətbuat xidmətlərindən məlumat verilib.
Məlumata görə, işğaldan azad edilmiş Ağdərə rayonunun Sırxavənd kəndi ərazisində 2025-ci il 16 noyabr tarixində mina hadisəsi baş verib.
1990-cı il təvəllüdlü Bərdə kənd sakini Natiq Namiq oğlu Əliyev minalardan təmizlənməmiş ərazidə piyada əleyhinə mina partlayışı nəticəsində ayağından xəsarət alıb.
Faktla bağlı Ağdam Rayon Prokurorluğunda araşdırma aparılır.
ANAMA, AR DİN və Baş Prokurorluq bir daha vətəndaşları təhlükəsizlik qaydalarına riayət etməyə, mina təhlükəsi işarələrinin göstəricilərinə diqqətlə yanaşmağa və bələd olmadıqları ərazilərə daxil olmamağa çağırır.
Ağdərə rayonunda mina hadisəsi baş verib.
Oxu.Az-ın məlumatına görə, hadisə rayonun Sırxavənd kəndi ərazisində qeydə alınıb. Bərdə rayon sakini 1990-cı il təvəllüdlü Natiq Namiq oğlu Əliyev kənd ərazisində minaya düşüb.
Yaralı N.Əliyev Bərdə Diaqnostika Mərkəzinə göndərilib.
Faktla bağlı araşdırma başlanıb.
Samir Əli
