Azərbaycanlı məşhur müğənninin oğlu Los-Ancelesdəki evini qoyub qaçmalı oldu

"Los-Ancelesdəki yanğın böyük oğlumun evinə yaxınlaşır. Həyəcandan yatmamışam".

Oxu.Az xəbər verir ki, bu barədə müğənni Nura Suri "Facebook" hesabında paylaşım edib.

Müğənni bildirib ki, oğlu yanğın baş verən ərazidən təxliyə edilib.

Qeyd edək ki, müğənninin iki oğlu uzun müddətdir, Los-Ancelesdə yaşayır.

ABŞ-də meşə yanğınları yanvarın 7-də başlayıb. Los-Ancelesdə yüzminlərlə insan evini tərk etməli olub. Bir neçə ölkənin konsulluqları bağlanıb. Orada yaşayan bəzi azərbaycanlı ailələr Bakıya qayıtmağa məcbur olublar.