Goranboy rayonunda bıçaqlanan iki nəfərdən biri xəstəxanaya yerləşdirilib.
Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən bildirilib ki, dekabrın 11-də gecə saat 00:10-da 1996-cı il təvəllüdlü şəxs (kişi) Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Təcili tibbi yardım şöbəsinə hospitalizasiya olunub.
Döş qəfəsinin çoxsaylı açıq yarası diaqnozu təyin edilən pasiyentə zəruri tibbi xidmətlər göstərilib. Vəziyyəti qənaətbəxş qiymətləndirilən şəxsin müalicəsi müvafiq şöbədə davam etdirilir.
Samir Əli
Goranboyda iki nəfərə bıçaq xəsarəti yetirməkdə şübhəli bilinən şəxs tutulub.
Oxu.Az APA-ya istinadən xəbər verir ki, polis əməkdaşlarının keçirdiyi tədbirlər nəticəsində A.Məmmədov və V.İsmayılova kəsici-deşici alətlə xəsarət yetirməkdə şübhəli bilinən 22 yaşlı İlkin Cəfərov saxlanılıb.
Faktla bağlı araşdırmalar davam etdirilir.
Goranboyda iki nəfər bıçaqlanıb.
Oxu.Az "Qafqazinfo"ya istinadən xəbər verir ki, hadisə rayonun Azad kəndində qeydə alınıb.
Belə ki, 1996-cı il təvəllüdlü Adil Məmmədov və 1994-cü il təvəllüdlü Vüsal İsmayılov bıçaq xəsarətləri ilə Abbas Səhhət adına Gəncə Şəhər Xəstəxanasına yerləşdiriliblər.
A.Məmmədovun vəziyyəti ağır, V.İsmayılovun vəziyyəti orta ağır olaraq qiymətləndirilir.
İlkin məlumata görə, hadisəni onların qonşusu, 2003-cü il təvəllüdlü İlkin Cəfərovun törətdiyi ehtimal olunur.
Faktla bağlı araşdırma başlanılıb.
