Mingəçevirdə bədbəxt hadisə nəticəsində 39 yaşlı kişi Yuxarı Qarabağ suvarma kanalında batıb.
Şəhər sakini 1986-cı il təvəllüdlü Bəxtiyar Məmmədovun ehtiyatsızlıqdan su kanalına düşdüyü bildirilir.
"Üç nəfər idik. Dedik ki, gedib kafedə yemək yeyək. Bəxtiyar razılaşmadı, kanalın yanında oturmaq istədi. Əlini yumaq istəyəndə, kanala düşdü. Digər yoldaşımız onu çıxarmaq üçün kanala girdi. Qışqırıq saldım, balıqçı ilə birlikdə Ceyhunu çıxardıq, amma Bəxtiyarı xilas edə bilmədik", - deyə hadisə şahidi Səməd Musayev jurnalistlərə açıqlamasında deyib.
Qeyd edək ki, Bəxtiyar Məmmədovun axtarışlarına Fövqəladə Hallar Nazirliyinin (FHN) xilasediciləri cəlb ediliblər.
Batan şəxsin meyiti Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq çıxarılıb və aidiyyəti üzrə təhvil verilib.
Hadisənin başvermə səbəbləri araşdırılır.
Daha ətraflı Baku Tv-nin süjetində:
Yuxarı Qarabağ suvarma kanalının Mingəçevir şəhərindən keçən hissəsində batan şəxsin meyiti tapılıb.
Bu barədə Oxu.Az-a Fövqəladə Hallar Nazirliyindən məlumat verilib.
Bildirilib ki, batan şəxsin meyiti nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq çıxarılıb və aidiyyəti üzrə təhvil verilib.
Məhərrəm Əliyev
Yuxarı Qarabağ suvarma kanalının Mingəçevir şəhərindən keçən hissəsində bir nəfərin batıb.
Oxu.Az xəbər verir ki, bu barədə Fövqəladə Hallar Nazirliyi məlumat yayıb.
Bildirilib ki, məlumatla əlaqədar Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar.
