Niderlandda Amsterdam Apellyasiya Məhkəməsi Rusiyanın "Spartak Moskva" klubunun keçmiş niderlandlı futbolçusu Kvinsi Promes barəsində seçilmiş həbs-qətimkan tədbirinin müddətini uzadıb.
Oxu.Az bu barədə "De Telegraaf" nəşrinə istinadla xəbər verir.
Promes iyunun 20-də Birləşmiş Ərəb Əmirliklərindən ekstradisiya edilib. O, Niderlanda gətirildikdən sonra həbs edilib.
Bundan əvvəl Amsterdam məhkəməsi Promesi iki işdə - qohumuna bıçaqla hücum etməkdə və narkotik qaçaqmalçılığında təqsirli bilib. Birinci iş üzrə o, 1.5 il, ikinci iş üzrə isə 6 il müddətinə azadlıqdan məhrum edilib. Promesin vəkilləri qərardan apellyasiya şikayəti veriblər.
Şikayət üzrə proses 2026-cı ildə keçiriləcək, dəqiq tarix hələlik açıqlanmayıb.
