İngiltərə millisinin müdafiəçisi Ezri Konsa "Aston Villa"dan "Arsenal"a keçib.
Oxu.Az xəbər verir ki, bu barədə "Arsenal"ın mətbuat xidməti məlumat yayıb.
28 yaşlı futbolçu London təmsilçisi ilə dördillik müqavilə imzalayıb. Müqavilədə müddətin daha bir il uzadılması opsiyası da nəzərdə tutulub.
Mətbuatın məlumatına görə, transferin məbləği əlavə bonuslarla birlikdə 58,5 milyon avro təşkil edir. Konsa yeni komandasında 15 nömrəli formada çıxış edəcək.
Ötən mövsüm "Aston Villa"nın heyətində bütün turnirlərdə 48 oyuna çıxaraq iki qol vuran müdafiəçi komandası ilə birlikdə UEFA Avropa Liqasının qalibi olub. O həmçinin DÇ-2026-da İngiltərə yığmasının heyətində səkkiz matçda meydana çıxıb və bir qolla yadda qalıb.
Qaynar xətt:
(055) 224 12 12
