Azərbaycan Kuboku: Dörddəbir final mərhələsinin ilk oyunlarına yekun vurulacaq

Bu gün Azərbaycan Kubokunun dörddəbir final mərhələsinin ilk oyunlarına keçiriləcək iki görüşlə yekun vurulacaq.

Oxu.Az xəbər verir ki, "Araz-Naxçıvan" "Zirə"ni saat 16:00-da, "Səbail" isə "Qarabağ"ı saat 18:30-da qəbul edəcək.

Xatırladaq ki, dörddəbir final mərhələsinin ilk oyun günündə "Neftçi" "Kəpəz"i 2:0 hesabı ilə məğlub edib, "Sabah" "Sumqayıt" matçında isə hesab açılmayıb 0:0.

Qeyd edək ki, dörddəbir final mərhələsinin cavab görüşləri fevral ayının 27 və 28-də keçiriləcək.