İsrail Fələstin anklavındakı hərbi münaqişə başa çatdıqdan sonra Qəzza zolağını ABŞ-nin nəzarəti altına verə bilərdi.
Oxu.Az xəbər verir ki, bunu ABŞ Prezidenti Donald Tramp "Truth Social" sosial şəbəkə hesabında yazıb: "İsrail döyüş əməliyyatları qurtardıqdan sonra Qəzza zolağını Birləşmiş Ştatlara verə bilərdi".
D.Trampın sözlərinə görə, ABŞ bütün dünyadakı inşaatçılar komandası ilə işləyərək ən böyük və təsirli layihələrdən birinin tədricən və ehtiyatla yaradılmasına başlayardı: "Belə olan halda, heç bir amerikalı əsgərə ehtiyac olmazdı, regionda isə sabitlik hökm sürərdi".
