Azərbaycan millisinin cüdoçusu Avropa çempionatından imtina edib

Azərbaycanlı cüdoçu Uşanqi Kokauri (+100 kq) Monpelyedə (Fransa) keçiriləcək klublararası Avropa çempionatında iştirakdan imtina edib.

Oxu.Az xəbər verir ki, onun adı dekabrın 21-də start götürəcək turnirin iştirak ərizəsində yoxdur.

Cüdo Federasiyasından verilən məlumata görə, Kokauri milli komandanın təlim məşq toplanışında iştirakını uyğunlaşdıra bilmədiyi üçün çempionata qatılmaqdan imtina edib.

Qeyd edək ki, Uşanqi Kokauri 2018-ci ildə keçirilən dünya çempionatının gümüş mükafatçısı olub.