Azərbaycanlı döyüş samboçusu Bəxtiyar Abbasov MMA turnirlərinin ən məşhuru olan UFC-də çıxış edə bilər.
Oxu.Az-ın əldə etdiyi məlumata görə, 33 yaşlı idmançımız bu turnirdən təklif alıb.
Ancaq peşəkar MMA-da 17 qələbəsi və beş məğlubiyyəti olan idmançımızın bu turnirdə iştirakı promouterlərin son cavabından asılıdır.
Yeri gəlmişkən, sambo millimizin baş məşqçisi Bəxtiyar Hacıyev isə saytımıza açıqlamasında bildirib ki, Bəxtiyar Abbasov fevralın 3-də böyüklər arasında Azərbaycan çempionatında iştirak edəcək.
Qeyd edək ki, UFC-nin yüngül çəkidə rusiyalı çempionu Həbib Nurməhəmmədov da əvvəl döyüş sambosu ilə məşğul olub.
Səbuhi MUSAYEV
