Bakıda keçiriləcək UFC turnirində yaponiyalı döyüşçünü kimin əvəz edəcəyi bəlli oldu

Bakıda təşkil ediləcək UFC turnirində yaponiyalı Kiyoci Horiquçini əvəz edəcək qazaxıstanlı Azat Maksum 2024-cü ilin fevralından bəri döyüş keçirməyib.

Oxu.Az xəbər verir ki, Qazaxıstan təmsilçisi "Crystal Hall" arenasında rusiyalı Tagir Ulanbekovla qarşılaşacaq.

Maksum UFC-də 2023-cü ildə debüt edib və onda amerikalı Tayson Namuya qalib gəlib. Sonrakı döyüşündə isə Çarlz Consona xal hesabında uduzub. Onun ABŞ təmsilçisi Si Cey Verqara ilə növbəti döyüşü 2024-cü ilin avqustuna planlaşdırılsa da, hər iki döyüşçünün zədələnməsi səbəbindən ləğv edilib.

Qeyd edək ki, Bakıdakı UFC turniri iyunun 21-də keçiriləcək.