İslam Mahaçevin erməni rəqibi Arman Tsarukyan bu gecə Los-Ancelesdə keçirilməsi nəzərdə tutulan UFC 311 kateqoriyalı döyüşündən öncə zədəsini bəhanə gətirərək oktaqona çıxmaqdan imtina edib.
Oxu.Az xəbər verir ki, Arman Tsarukyan döyüşdən çəkildiyi üçün İslam Mahaçev ehtiyat döyüşçü Renato Maoikano ilə qarşılaşacaq.
İslam Mahaçev sosial şəbəkə hesablarında: "Mən qalibəm, rəqibimin kim olması məni maraqlandırmır", - mesajını verib.
Qeyd edək ki, İslam Mahaçev və Arman Tsarukyan arasında keçirilməli olan döyüş gecənin ən vacib qarşılaşması hesab olunurdu.
