İspaniya La Liqası: "Real Madrid" inamlı qələbə ilə liderliyə yüksəldi

İspaniya La Liqasında XX turun növbəti oyunu keçirilib.

Oxu.Az xəbər verir ki, "Real Madrid" doğma meydanda "Las Palmas"la qarşılaşıb. Görüş ev sahiblərinin 4:1 hesablı inamlı qələbəsi ilə yekunlaşıb.

Madrid klubunun qollarını Kilian Mbappe (2 qol), Brahim Diaz və Rodriqo vurublar. Qonaqların qoluna isə Fabio Silva imza atıb.

Bu nəticədən sonra xalını 46-ya çatdıran "Real Madrid" turnir cədvəlində liderliyə yüksəlib. "Las Palmas" isə 22 xalla 14-cü pillədə qərarlaşıb.