"Araz-Naxçıvan" "Neftçi"nin hücumçusu Ağadadaş Salyanskini icarə əsasında heyətinə cəlb edib.
Oxu.Az xəbər verir ki, bu barədə klubun mətbuat xidməti məlumat yayıb.
İcarə əsasında "qırmızı-ağlar"ın formasını geyinəcək 22 yaşlı forvardla anlaşmanın müddəti bir ildir.
Qeyd edək ki, "Araz-Naxçıvan" buna qədər Tərlan Əhmədli, Ömər Buludov, İbrahim Piriyev, Ülvi İsgəndərov, Rəşad Həsənov, Alberto Qarsiya Fernandes, Alexandro Herrera, Rövlan Muradov, İssuf Paro, Bruno Franko, Artur Auqusto Da Silva, Mara Mohamed, Abdallah Sudi, Mamadu Kane, Mustafa Əhmədzadə və Luka Dumançiçlə yeni müqavilə imzalayıb.
"Karvan-Yevlax" klubu heyətini Lətif Rzayevlə gücləndirib.
Bu barədə Oxu.Az-a Yevlax təmsilçisinin mətbuat xidmətindən bildirilib.
Son olaraq "İmişli"də forma geyinən yarımmüdafiəçi ilə 2026/27 mövsümünün sonuna qədər müqavilə imzalanıb.
Qeyd edək ki, "Karvan-Yevlax" futbol klubu Azərbaycan I Liqasında mübarizə aparacaq.
