Ən son xəbərləri bizim "WhatsApp" kanalımızda izləyin

Mahirin "Nürnberq"lə növbəti oyunda meydana çıxması ilə bağlı məsələyə klub rəsmilərindən CAVAB
"Mahir hələ də komandamızın futbolçusudur və məşqlərinə davam edir".
Bunu Oxu.Az-a açıqlamasında "Nürnberq" klubunun Mətbuat Xidmətinin rəhbəri Pia Lisa Kienel bildirib.
P.Kienel öncə klubun İdarə Heyətinin üzvü Coti Çatsialeksiunun son açıqlamasını diqqətə çatdırıb:
"C.Çatsialeksiu bildirdi ki, Mahir hələ də bizim futbolçumuzdur və komanda ilə məşq edir. Həmçinin qeyd etdi ki, hər bir oyunçu kimi Mahirin də həftəsonu oynayıb-oynamayacağına Miroslav Kloze qərar verəcək".
Mətbuat katibi növbəti görüşdə Mahir Emrelinin iştirakı ilə bağlı sualımızı da cavabandırıb:
"Klub daxilində Mahirlə bağlı heç vaxt fərqli bir qərardan danışılmayıb. Sadəcə, Miroslav Klozenin bu həftəsonu hansı futbolçuları meydana buraxacağı sual altındadır. Mahir də hər bir oyunçu kimi baş məşqçinin seçimlərindən biridir".
Anar Həsənov
"Mahir Emreli" teqi üzrə xəbərlər
- Mahir Emrelinin paylaşımı "Nürnberq" klubunda etirazlara səbəb oldu
- Almaniya mediası Mahir Emrelini eqoist adlandırdı
- Miroslav Kloze Mahir Emreli haqqında optimist olmağa çalışır
- Mahir Emrelinin "Munster"lə görüşdə meydana çıxmamasının səbəbi bəlli olub
- Miroslav Kloze: "Mahir Emreli oruc tutduğu üçün ona hörmət edirəm"