"Neftçi"ni çempion edən hücumçu karyerasını Yaponiyada davam etdirəcək

"Neftçi"nin sabiq forvardı Ahmed Ahmedov karyerasını Yaponiyada davam etdirəcək.

Oxu.Az xəbər verir ki, 29 yaşlı hücumçu "Spartak"dan (Bolqarıstan) "Şimizu S-Pulse"a transfer olunub.

Bu barədə Yaponiya klubunun mətbuat xidməti məlumat yayıb.

Bolqarıstanlı 2021-ci ildə "Neftçi"də çıxış edib. O, "ağ-qaralar"ın heyətində 9 oyunda 1 qol vurub.

Bu yeganə qol isə "Neftçi"yə çempionluq gətirib. Məhz bu qol sayəsində "Neftçi" "Qarabağ"ı 1:0 hesabı ilə məğlub etmiş və 2020-2021-ci illər mövsümündə çempion olmuşdu.