Premyer Liqa: "Qarabağ" ilin sonuncu oyununda qələbə qazandı

"Qarabağ" Azərbaycan Premyer Liqasında 2024-cü ilin sonuncu oyununda qələbə qazanıb.

Oxu.Az bildirir ki, Qurban Qurbanovun baş məşqçisi olduğu kollektiv XVIII turda "Araz-Naxçıvan"la üz-üzə gəlib.

Ağdam təmsilçisi rəqibini 2:0 hesabı ilə üstələyib.

41-ci dəqiqədə Yassin Benzia hesabı açıb. 72-ci dəqiqədə Abdullah Zubir adını tabloya yazdırıb.

Birinci pillədə qərarlaşan "Qarabağ" xallarının sayını 47-yə çatdırıb. Naxçıvan klubu 39 xalla ikinci sıradadır.

Günün ilk görüşündə "Şamaxı" evdə "Sabah"ı məğlub edib - 3:1.

Qeyx edək ki, XVIII turun əvvəlki matçlarında "Zirə" səfərdə "Səbail"dən üstün olub - 1:0. "Turan Tovuz" - "Neftçi" oyununda qalib müəyyənləşməyib - 1:1. "Kəpəz" - "Sumqayıt" qarşılaşmasında isə qapılara qol vurulmayıb.

16:00

"Sabah" Azərbaycan Premyer Liqasının 18-ci turunda "Şamaxı"ya məğlub olub.

Oxu.Az xəbər verir ki, oyun Şamaxı şəhər stadionunda keçirilib.

Qarşılaşma meydan sahiblərinin qalibiyyəti ilə bitib - 3:1

Bölgə təmsilçisində 23-cü dəqiqədə Edqar Adilxanov, 55-ci dəqiqədə Belajdi Pusi, 62-ci dəqiqədə Leroy Mikels fərqləniblər. Paytaxt klubunda Pavol Safranko 38-ci dəqiqədə adını tabloya yazdırıb.

Bu nəticədən sonra xallarının sayını 17-yə çatdıran "Şamaxı" 7-ci pilləyə yüksəlib. 26 xalı olan "bayquşlar" 5-ci sıradadır.

Qeyd edək ki, günün ikinci görüşündə "Qarabağ" "Araz-Naxçıvan"la üz-üzə gələcək.

18-ci turun əvvəlki matçlarında "Zirə" səfərdə "Səbail"i məğlub edib - 1:0. "Turan Tovuz" - "Neftçi" oyununda qalib müəyyənləşməyib - 1:1. "Kəpəz" - "Sumqayıt" qarşılaşmasında isə qapılara qol vurulmayıb.

09:48

Bu gün futbol üzrə Azərbaycan Premyer Liqasında 2024-cü ilin sonuncu oyunları keçiriləcək.

Oxu.Az xəbər verir ki, 18-ci tura iki qarşılaşma ilə yekun vurulacaq.

İlk olaraq "Şamaxı" "Sabah"ı qəbul edəcək. Bölgə təmsilçisi 14 xalla 8-ci, qonaqlar 26 xalla 5-ci pillədə qərarlaşıb.

Tura "Qarabağ" - "Araz-Naxçıvan" görüşü ilə yekun vurulacaq. Lider "Qarabağ"ın 44, ikinci sıradakı Naxçıvan klubunun 39 xalı var.

Misli Premyer Liqası

II dövrə, 18-ci tur

22 dekabr

14:00. "Şamaxı" - "Sabah"

Hakimlər: Cavid Cəlilov, Kamran Bayramov, Müslüm Əliyev, Əli Əliyev.

VAR: Rəşad Əhmədov.

AVAR: Vüsal Məmmədov.

Hakim-inspektor: Babək Quliyev.

AFFA nümayəndəsi: Anar Şıxəliyev.

Şamaxı şəhər stadionu

16:30. "Qarabağ" - "Araz-Naxçıvan"

Hakimlər: Rəvan Həmzəzadə, Cəmil Quliyev, Şirmamed Mamedov, Əkbər Əhmədov.

VAR: Rauf Cabarov.

AVAR: Akif Əmirəli.

Hakim-inspektor: Anar Salmanov.

AFFA nümayəndəsi: Eldəniz Musayev.

Tofiq Bəhramov adına Respublika stadionu

Qeyd edək ki, 18-ci turun əvvəlki matçlarında "Zirə" səfərdə "Səbail"i məğlub edib - 1:0. "Turan Tovuz" - "Neftçi" oyununda qalib müəyyənləşməyib - 1:1. "Kəpəz" - "Sumqayıt" qarşılaşmasında isə qapılara qol vurulmayıb.