"Qarabağ"ın Avstriyada keçiriləcək təlim-məşq toplanışındakı yoxlama oyunlarının vaxtı və rəqibləri müəyyənləşib.
Oxu.Az klubun rəsmi saytına istinadən xəbər verir ki, Ağdam təmsilçisi Zell-Am-Seenin Kaprun bölgəsində dörd yoxlama matçına çıxacaq.
İyulun 7-də keçiriləcək ilk görüşdə rəqib Xarkov "Metallist"i olacaq. Qarşılaşma yerli vaxtla saat 17:30-da (Bakı vaxtı ilə 19:30-da) başlayacaq.
İyulun 11-də "Qarabağ" "Tvente" ilə iki görüşə çıxacaq. Niderland təmsilçisi ilə oyunlar yerli vaxtla 15:00 və 17:15-də (Bakı vaxtı ilə 17:00 və 19:15-də) start götürəcək.
İyulun 15-də toplanışın son matçında rəqib "Zalsburq" (Avstriya) olacaq. Görüş yerli vaxtla saat 18:00-da (Bakı vaxtı ilə 20:00-da) başlayacaq. Qarşılaşmaların dördü də Kaprun stadionunda keçiriləcək.
Hazırlığa iyunun 18-də Bakıda start verən "Qarabağ" iyulun 2-dən 16-dək Avstriyada təlim-məşq toplanışı keçirəcək.
İyulun 2-dən 16-dək Avstriyada təlim-məşq toplanışında olacaq "Qarabağ"ın orada keçirəcəyi növbəti yoxlama görüşlərindəki rəqibləri müəyyənləşib.
Oxu.Az xəbər verir ki, iyulun 7-də Ukrayna təmsilçisi "Metallist 1925"lə qarşılaşacaq Qurban Qurbanovun yetirmələrinin digər rəqibi "Zalsburq" olacaq.
Avstriya Bundesliqasının gümüş mükafatçısı ilə matçın tarixi hələlik dəqiqləşdirilməyib.
Qeyd edək ki, "Qarabağ"ın Avstriya toplanışı çərçivəsində üç oyun günündə ümumilikdə dörd yoxlama görüşü nəzərdə tutulub.
