Ən son xəbərləri bizim "Instagram" səhifəmizdə izləyin
Qətərdə keçiriləcək dünya çempionatının püşkü atıldı - FOTO
Futbol üzrə 2022-ci il dünya çempionatının final mərhələsinin püşkü atılıb.
Qətərin paytaxtı Dohadakı mərasimdə qrupların tərkibi müəyyənləşib.
Mərasimdə püşkü dünya futbolunun tanınmış simalarının da yer aldığı 8 veteran oyunçu çəkib.
Onların arasında İran millisinin Azərbaycan əsilli sabiq hücumçusu Əli Daei də olub.
Mundialın açılış oyunu Qətər və Ekvador yığmaları arasında baş tutacaq.
A qrupu: Qətər, Ekvador, Seneqal, Niderland
B qrupu: İngiltərə, İran, ABŞ, Şotlandiya/Ukrayna - Uels cütünün qalibi
C qrupu: Argentina, Səudiyyə Ərəbistanı, Meksika, Polşa
D qrupu: Fransa, Birləşmiş Ərəb Əmirlikləri/Avstraliya - Peru cütünün qalibi, Danimarka, Tunis
E qrupu: İspaniya, Kosta-Rika/Yeni Zelandiya cütünün qalibi, Almaniya, Yaponiya
F qrupu: Belçika, Kanada, Mərakeş, Xorvatiya
G qrupu: Braziliya, Serbiya, İsveçrə, Kamerun
H qrupu: Portuqaliya, Qana, Uruqvay, Cənubi Koreya
Dünya çempionatının təqvimi matçların stadionları və başlama saatları bilinəndən sonra təsdiqlənəcək.
Hazırda mundialın final mərhələsinin 29 iştirakçısı məlumdur. Pley-of mərhələsində daha 3 komandanın adına iyunda aydınlıq gələcək.
Avropa zonası üzrə Şotlandiya/Ukrayna oyununun qalibi finalda Uelslə üz-üzə gələcək.
Birləşmiş Ərəb Əmirlikləri/Avstraliya cütünün qalibi Peru ilə, Yeni Zelandiya isə Kosta-Rika ilə görüşəcək.
Qeyd edək ki, DÇ-2022 noyabrın 21-dən dekabrın 18-dək təşkil olunacaq.
"Almaniya" teqi üzrə xəbərlər
- ABŞ Almaniyadan hərbi texnikanı Ermənistandakı poliqona köçürməyi planlaşdırır
- Almaniya, Böyük Britaniya və Fransa liderlərinin müşavirləri ABŞ-yə yola düşüblər
- Almaniya Azərbaycan və Ermənistan arasındakı razılaşmaları alqışlayır
- Üç Avropa ölkəsinin səfiri İran XİN-ə çağırıldı
- Almaniya kəşfiyyatı koronavirus pandemiyasının baş vermə səbəbini açıqladı
Ən çox oxunanlar
