Amerikalı tennisçi Serena Uilyams peşəkar karyerasını bərpa edə bilər.
Oxu.Az xəbər verir ki, bu barədə jurnalist Ben Rotenberq məlumat yayıb.
Məlumata görə, 44 yaşlı idmançı bir neçə ay əvvəl karyerasını bərpa etmək üçün federasiyaya müraciət edib və antidopinq test siyahısına daxil edilib.
Rotenberqin məlumatına cavab olaraq, tennisçi özünün "X" səhifəsində paylaşım edib. O, yayılan xəbərin yalan olduğunu bildirib.
Uilyams 2022-ci ildə təqaüdə çıxıb. Onun hesabında 73 WTA titulu var. Amerikalı yeddi dəfə Avstraliya Açıq və Uimbldon, altı dəfə ABŞ Açıq və üç dəfə Roland Qarrosu qazanıb. Uilyams həmçinin dördqat Olimpiya çempionudur.
