Tayson Fyuri karyerasını başa vurdu

Britaniyalı boksçu, ağır çəkidə keçmiş dünya çempionu Tayson Fyuri karyerasını bitirdiyini açıqlayıb.

Oxu.Az xəbər verir ki, bu barədə Britaniya KİV-i məlumat yayıb.

Qeyd edək ki, 36 yaşlı idmançı peşəkar rinqdə 37 döyüş keçirib, 34 döyüşdə qalib gəlib, 2 qarşılaşmada uduzub və 1 görüşdə heç-heçə edib.

Fyurinin iki dəfə uduzduğu rəqib isə Ukraynalı Aleksandr Usik olub. Məhz bu döyüşlərdən sonra Fyuri karyerasını başa vurmağı qərara alıb.

Xatırladaq ki, bundan öncə də idmançı iki dəfə - 2016 və 2022-ci illərdə boksu tərk etdiyini açıqlayıb, lakin sonradan yenidən rinqə qayıdıb.