Türkiyə Superliqasında 7-ci turun oyunları keçirilir.
Oxu.Az xəbər verir ki, "Fənərbağça" doğma meydanda "Antalyaspor"la qarşılaşmada azarkeşlərini sevindirib.
Oyunda əsas hadisələr ikinci hissədə yaşanıb. 65-ci dəqiqədə Taliskanın penaltidən dəqiq zərbəsi İstanbul klubuna hesabda üstünlük qazandırıb. 90+2-ci dəqiqədə isə Şimanski fərqi artırmaqla yekun nəticəni müəyyənləşdirib - 2:0.
Hazırda "Fənər" 15 xalla lider "Qalatasaray"ın ən yaxın izləyicisidir. Antalya təmsilçisi isə 10 xalla 8-ci pillədə qərarlaşıb.
