Çempionlar Liqası: "Qarabağ" səfərdən üstünlüklə qayıdır

UEFA Çempionlar Liqasının II təsnifat mərhələsinin ilk matçında "Qarabağ" səfərdə "Linkoln"la (Cəbəllüttariq) qarşılaşıb.

Oxu.Az xəbər verir ki, qarşılaşma Ağdam təmsilçisinin 0:2 hesablı qələbəsi ilə yekunlaşıb.

Görüşdə hesab fasilə ərəfəsində açılıb. 45+2-ci dəqiqədə Juninyo fərqlənib. "Köhlən atlar"ın ikinci qolunu isə 75-ci dəqiqədə Toral Bayramov vurub.

Qeyd edək ki, "Qarabağ" və "Linkoln" arasında cavab oyunu bir həftə sonra Tofiq Bəhramov adına Respublika stadionunda gerçəkləşəcək. Qarşılaşmanın start fiti saat 20:00-da səslənəcək.

21:32

UEFA Çempionlar Liqasının II təsnifat mərhələsinin "Linkoln" (Cəbəllüttariq) - "Qarabağ" qarşılaşmasında növbəti qol vurulub.

Oxu.Az xəbər verir ki, Ağdam təmsilçisinin üstünlüyü davam edir.

Toral Bayramovun 75-ci dəqiqədə vurduğu qolla "Qarabağ" hesabı 0:2 edir.

Çempionlar Liqası: "Qarabağ" səfərdən üstünlüklə qayıdır

Çempionlar Liqası: "Qarabağ" səfərdən üstünlüklə qayıdır

21:02

UEFA Çempionlar Liqasının II təsnifat mərhələsinin "Linkoln" (Cəbəllüttariq) - "Qarabağ" qarşılaşmasında ikinci hissə başlayıb.

Oxu.Az xəbər verir ki, "Europa Point Stadium"dakı matçda Ağdam təmsilçisinin üstünlüyü davam edir - 0:1.

Qeyd edək ki, 45+2-ci dəqiqədə Juninyo fərqlənib.

20:45

UEFA Çempionlar Liqasının II təsnifat mərhələsinin "Linkoln" (Cəbəllüttariq) - "Qarabağ" qarşılaşmasında hesab açılıb.

Oxu.Az xəbər verir ki, Ağdam təmsilçisi hesabda önə keçib.

Juninyo adını tabloya yazdırmağı bacarıb.

Bununla da tərəflər fasiləyə 0:1 hesabı ilə yollanıblar.

20:01

UEFA Çempionlar Liqasının II təsnifat mərhələsinin "Linkoln" (Cəbəllüttariq) - "Qarabağ" matçı start götürüb.

Oxu.Az xəbər verir ki, böyük maraqla gözlənilən görüşü İştvan Vadın rəhbərlik etdiyi macarıstanlı hakimlər briqadası idarə edir.

09:40

Bu gün UEFA Çempionlar Liqasında II təsnifat mərhələsinin görüşlərinə start veriləcək.

Oxu.Az xəbər verir ki, böyük maraqla gözlənilən görüşdə son Azərbaycan çempionu "Qarabağ" Cəbəllüttariq çempionu "Linkoln"la üz-üzə gələcək.

Gərgin mübarizə vəd edən görüşü İştvan Vadın rəhbərlik etdiyi macarıstanlı hakimlər briqadası idarə edəcək.

Qeyd edək ki, qarşılaşmanın start fiti Bakı vaxtı ilə saat 20:00-da səslənəcək.

23 iyul

UEFA Çempionlar Liqası II təsnifat mərhələsi

"Linkoln" - "Qarabağ"

Saat 20:00, "Victoria Stadium"

Baş Hakim: İştvan Vad

Anar Həsənov