2025-ci ilin yanvar-mart ayları ərzində Azərbaycanda banklar tərəfindən nağd ABŞ dollarının alqı-satqısı üzrə aparılmış əməliyyatların həcmi 965 milyon 218 min təşkil edib.
Oxu.Az xəbər verir ki, APA-nın Azərbaycan Mərkəzi Bankının hesabatı əsasında apardığı hesablamalara görə, bu göstəricinin həcmi əvvəlki ilin müvafiq dövrü ilə müqayisədə 24.7% və ya 317.4 milyon ABŞ dolları azalıb.
Qeyd edək ki, hesabat dövründə bankların nağd ABŞ dolları alışı 2024-cü ilin yanvar-mart ayları ilə müqayisədə 6.3% artaraq 373 milyon 286 min, satışı isə 36.4% azalaraq 591 milyon 931.7 min təşkil edib.
Bu dövrdə banklar tərəfindən nağd avronun alışı ötən ilin yanvar-mart ayı ilə müqayisədə 2.1 dəfə artaraq 52 milyon 980.7 min, satışı isə 11.5% artaraq 50 milyon 148.9 min təşkil edib.
