"Əsas dəyərləri dürüstlük, davamlı inkişaf və tərəfdaşlıq olan Bakı Fond Birjasının (BFB) yeni brend kimliyində vizual elementlərlə yanaşı, yeni strategiyanın təşəbbüsləri də öz əksini tapıb".
Oxu.Az xəbər verir ki, bunu Bakı Fond Birjasının yeni brend kimliyinin təqdimatı ilə bağlı keçirilən mətbuat konfransında BFB-nin İdarə Heyətinin sədri Ruslan Xəlilov deyib.
"Brendin yenilənməsi birjanın bazar iştirakçıları və tərəfdaşları ilə münasibətlərini daha şəffaf və etibarlı quraraq qarşılıqlı əlaqələri yeni çərçivəyə salmaq niyyətini ifadə edir. Bu əlaqələr isə öz növbəsində Bakı Fond Birjasının beynəlxalq miqyasda rəqabət qabiliyyətini artırmaqla yanaşı, yerli bazarda yeni imkanların yaranmasına şərait yaradır".
O qeyd edib ki, bu dəyişikliklər BFB-nin yerli kapital bazarı iştirakçıları arasındakı mövqeyini daha da möhkəmləndirəcək və şirkətə yeni imkanlar təqdim edəcək.
Məhərrəm Əliyev
