Əhalinin özünüməşğulluğunun dəstəklənməsi üçün 2026-cı ildə 77 milyon manat vəsaitin ayrılması planlaşdırılır.
Oxu.Az xəbər verir ki, bu, Milli Məclisə təqdim olunan 2026-cı ilin büdcə zərfində əksini tapıb.
Proqram çərçivəsində peşəkar təlimlərin təşkili, əmlak paylanması və iştirakçıların iqtisadi fəaliyyətə inteqrasiyası həyata keçiriləcək.
Bu istiqamətdə Kənd Təsərrüfatı Nazirliyi (KTN), Qida Təhlükəsizliyi Agentliyi (AQTA), Kiçik və Orta Biznesin İnkişafı Agentliyi (KOBİA) və Həmkarlar İttifaqları Konfederasiyası (AHİK) ilə əməkdaşlıq davam edəcək.
Hazırda respublika üzrə 1 307 işəgötürənlə müqavilə imzalanıb, 4 000-dən çox şəxs proqram çərçivəsində işlə təmin olunub.
Həmçinin, 2026-cı ildə peşə standartlarının hazırlanması üçün bir milyon manat ayrılacaq.
Bu vəsait hesabına 100 yeni peşə və kvalifikasiya standartı hazırlanacaq, 135 standart isə yenilənəcək. Hazırda "e-sosial" portalında 1 300-dən çox standart yerləşdirilib.
