Rusiya və Azərbaycan arasında digər sahələrlə yanaşı, yanacaq-energetika sektorunda, xüsusilə elektrik enerjisi və neft-qaz sahələrində əməkdaşlığın genişləndirilməsi məsələləri müzakirə edilib.
Oxu.Az TASS-a istinadən xəbər verir ki, Rusiya Energetika Nazirliyindən verilən məlumata görə, iki ölkə arasında iqtisadi əməkdaşlıq üzrə hökumətlərarası komissiyanın 23-cü iclasında bu mövzular gündəmə gətirilib.
"Danışıqlar zamanı yanacaq-energetika sektorunda, xüsusilə elektrik enerjisi və neft-qaz sahələrində əməkdaşlığın genişləndirilməsi müzakirə olunub", - Rusiya Energetika Nazirliyindən bildirilib.
Qeyd olunub ki, Rusiya və Azərbaycan şirkətləri enerji sistemlərinin sinxron işləməsini təmin etmək üçün planlı iş aparırlar.
