"Biznes xidmətlərinin rəqəmsallaşma səviyyəsi artırılacaq".
Oxu.Az xəbər verir ki, bunu Azərbaycan Respublikası Prezidentinin Administrasiyasının İqtisadi siyasət və sənaye məsələləri şöbəsinin İqtisadi islahatların monitorinqi, koordinasiyası və qiymətləndirilməsi sektorunun müdiri, Biznes mühiti və beynəlxalq reytinqlər üzrə Komissiyanın Katibliyinin rəhbəri Vüsal Şıxəliyev "Caspian Energy Club"ın təşkilatçılığı ilə baş tutan "B2G Forum"da Komissiyanın 2024-cü il ərzində həyata keçirən islahatlardan danışarkən deyib.
Vüsal Şıxəliyevin sözlərinə görə, Komissiya tərəfindən həyata keçiriləcək yeniliklər dövlət məşğulluq xidmətlərinin rəqəmsallaşma səviyyəsinin artırılması, vergi inzibatçılığı sahəsində yeni elektron xidmətlərin yaradılması, Biznes startapları üçün rəqəmsal dövlət xidmətlərinin dairəsinin genişləndirilməsini əhatə edəcək.
