Ən son xəbərləri bizim "WhatsApp" kanalımızda izləyin

DİN-dən iki rayonda ƏMƏLİYYAT: İranlı ilə əlbir olan 29 yaşlı şəxs ƏLƏ KEÇDİ
Daxili İşlər Nazirliyinin Baş Narkotiklərlə Mübarizə İdarəsi narkotiklərin qanunsuz dövriyyəsinə qarşı növbəti əməliyyat keçirib.
Oxu.Az xəbər verir ki, bu barədə Daxili İşlər Nazirliyi (DİN) məlumat yayıb.
Bildirilib ki, əməliyyatlar paytaxtın Binəqədi və Qaradağ rayonları ərazilərində baş tutub. Bir neçə gün davam edən tədbirlərin nəticəsi olaraq 29 yaşlı Ruslan Hüseynov müəyyən edilərək saxlanılıb. Onun avtomobilindən 35 kiloqram tərkibinə zərərli maddələr əlavə edilmiş marixuana aşkarlanıb.
R.Hüseynov ifadəsində narkotik vasitələri şəxsiyyəti istintaqla araşdırılan İran vətəndaşı vasitəsilə Füzuli rayonu ərazisindəki əvvəlcədən təyin edilən yerdən götürdüyünü və maddi gəlir qarşılığında ayrı-ayrı ünvanlara çatdırmağı planlaşdırdığını bildirib.
Faktla bağlı cinayət işi başlanılıb, R.Hüseynov barəsində həbs qətimkan tədbiri seçilib.
Polis əməkdaşları tərəfindən narkotik vasitələrin qanunsuz dövriyyəsinə qarşı mübarizə ölkəboyu fasiləsiz davam etdirilir.

"Narkotik vasitələrin qanunsuz dövriyyəsi" teqi üzrə xəbərlər
- Masallıda 13 kiloqram narkotik vasitə və psixotrop maddə aşkarlanıb
- Baş idarədən ƏMƏLİYYAT: Keçmiş məhkum 20 kiloqram narkotiklə ƏLƏ KEÇDİ
- Astaraya PUA ilə narkotik keçirən şəxs saxlanılıb
- Külli miqdarda narkotikin ölkəyə keçirilməsinin qarşısı alındı
- Bir ayda dövlət sərhədində dəyəri dörd milyon manata yaxın qaçaqmal tutulub