Ələsgər Məmmədli hospitala köçürüləcək

"Toplum TV" işi üzrə həbs edilən Ələsgər Məmmədli hospitala köçürüləcək.

Oxu.Az xəbər verir ki, bu barədə onun vəkili Aqil Layıc məlumat verib.

Onun sözlərinə görə, bununla bağlı Xətai Rayon Məhkəməsi qərar qəbul edib: "Ələsgər Əhmədoğlunun müayinə edilməsi üçün hospitala köçürülməsinə dair şikayətimizə baxıldı. İstintaq orqanı da şikayətə etiraz etmədi. Nəticədə Ələsgər müəllim biopsiya edilməsi üçün özünün seçdiyi hospitalda öz həkimləri tərəfindən müayinə ediləcək və qısa müddətlik hospitala köçürüləcək".

Xatırladaq ki, Bakı şəhəri Xətai Rayon Məhkəməsində bu ilin mart ayının 9-da keçirilən iclasda Ə.Məmmədli barəsində dörd aylıq həbs qətimkan tədbiri seçilib.