Naxçıvanda dostlar dava saldılar, kuryer ofisiantı bıçaqladı

Naxçıvanda kuryer kafedə ofisiantı bıçaqlayıb.

Oxu.Az-ın məlumatına görə, hadisə Naxçıvan şəhərindəki kafelərdən birində baş verib.

Şəhər sakini, kuryer işləyən Elşad mopedlə küçədə hərəkət edərkən tanışı Fərahimi özünə məxsus avtomobillə işıqforda dayandığını görüb. Elşad Fərahimə yaxınlaşaraq ona salam verib keçib.

Həmin gün axşam Fərahimlə Elşad kafedə rastlaşıblar, Fərahim Elşada irad tutub ki, avtomobilində başqa şəxs olduğu halda o, niyə avtomobilin içərisinə baxıb. Nəticədə tərəflər arasında mübahisə yaranıb.

Elşad kafedən çıxaraq evlərinə gedib, bıçaq götürüb geri qayıdanda Fərahimi dostları ilə birlikdə öz avtomobilində sərxoş vəziyyətdə görüb. O, maşına yaxınlaşıb Fərahimi söhbətə çağırsa da, Fərahimin dostu, kafedə ofisiant işləyən Mehran ona yaxınlaşaraq Fərahimin içkili olduğunu bildirib. Mehran deyib ki, onlar içkilidirlər, gəl mənimlə söhbət edək. Elşad Mehranla söhbət edərkən mübahisə yaranıb və o, Mehranı bıçaqlayıb.

Faktla bağlı cinayət işi başlanıb və iş məhkəməyə göndərilib.

Məhkəmənin hökmü ilə Elşad 3 il müddətinə azadlıqdan məhrum edilib. Məhkəmə ona Cinayət Məcəlləsinin 70-ci maddəsini tətbiq edərək cəzanı şərti hesab edib.

Aqil Vəlili