Azərbaycan Həmkarlar İttifaqları Konfederasiyası yeni sosial layihəyə start verir

Azərbaycan Həmkarlar İttifaqları Konfederasiyası (AHİK), Səhiyyə Nazirliyi, Tibbi Ərazi Bölmələrini İdarəetmə Birliyi (TƏBİB), AHİK-in üzv təşkilatı Səhiyyə İşçiləri Həmkarlar İttifaqı və "Referans Medical Group"un birgə təşkilatçılığı ilə "Həmkardan həmkara qayğı ilə" layihəsi başlayıb.

Əhalinin sağlamlığının qorunması və tibbi xidmətlərə əlçatanlığın daha da artırılması məqsədilə reallaşdırılan layihə çərçivəsində ucqar, dağlıq və sərhədyanı rayonlarda yaşayanlar üçün səyyar tibbi müayinələr təşkil olunacaq.

İlk səyyar müayinələr Lerik rayonunda, Lerik Mərkəzi Xəstəxanasında aprelin 10-11-də saat 10:00-dan 16:00-dək keçiriləcək.