ABŞ-nin Yəmənin Saada şəhərinə endirdiyi aviazərbələr nəticəsində ölənlərin sayı artdı

Yəmənin Saada şəhərində Afrika ölkələrindən olan miqrantların saxlanma mərkəzinə ABŞ Silahlı Qüvvələri tərəfindən endirilən aviazərbələr nəticəsində ölənlərin sayı 68 nəfərə çatıb.

Oxu.Az xəbər verir ki, bu barədə "Al Masirah" televiziya kanalı məlumat yayıb.

Son məlumata görə yaralıların sayı 47 nəfərdir, onların arasında kritik vəziyyətdə olanlar da var.

10:04

ABŞ ordusunun Yəmənin şimal-qərbindəki Saada şəhərində afrikalı miqrantların saxlandığı cəzaçəkmə müəssisəsinə endirdiyi zərbələr nəticəsində azı 30 nəfər həlak olub.

Oxu.Az xəbər verir ki, bu barədə Yəmənin "Al Masirah" telekanalının yaydığı məlumatda qeyd olunub.

Aviazərbələr nəticəsində xəsarət alan 50-yə yaxın miqrant isə xəstəxanaya yerləşdirilib, onların əksəriyyətinin vəziyyəti ağır qiymətləndirilir.

09:56

ABŞ Hərbi Hava Qüvvələri Yəmənin şimal-qərbində yerləşən Saada şəhərinə aviazərbələr endirib.

Oxu.Az xəbər verir ki, bu barədə Yəmənin "Al Masirah" telekanalı məlumat yayıb.

Məlumatda qeyd olunur ki, bombardmana Afrika ölkələrindən olan miqrantların saxlandığı cəzaçəkmə müəssisəsi məruz qalıb. İlkin məlumatlara əsasən, onlarla həlak olan və yaralı var.