Ən son xəbərləri bizim "X" səhifəmizdə izləyin

Cevdet Yılmaz: “Azərbaycanın bütün suveren torpaqlarında ilk dəfəki seçkinin tarixi əhəmiyyəti var”
Türkiyə Respublikasının Vitse-prezidenti Cevdet Yılmaz Əli Əsədovu Baş nazir təyin edilməsi münasibətilə təbrik edib.
Nazirlər Kabinetindən verilən məlumata görə, təbrikdə deyilir:
“2024-cü il yeddi fevral tarixində Azərbaycanda keçirilmiş Prezident seçkisindən sonra yenidən Baş nazir vəzifəsinə təyin olunmağınız münasibətilə sizi səmimi qəlbdən təbrik edirəm.
Cənab Prezident İlham Əliyevin seçkidə ölkə tarixində ən yüksək səs göstəricisinə nail olduğu tarixi qələbəsinin qardaş Azərbaycan xalqı, ölkələrimiz arasındakı münasibətlər və bütün regionumuz üçün faydalı olmasını arzu edirəm.
Azərbaycanın bütün suveren torpaqlarında ilk dəfə keçirilən bu seçkinin tarixi əhəmiyyəti var.
Qarşıdan gələn yeni dövrdə onsuz da mükəmməl səviyyədə olan güclü əməkdaşlığımızı və əlaqələrimizi daha da möhkəmləndirərək hər zaman olduğundan daha yüksək səviyyələrə çatdıracağımıza inanıram.
Fürsətdən istifadə edərək 2023-cü il 20 dekabr tarixində ölkənizə səfərim zamanı göstərdiyiniz yüksək ev sahibliyi və qonaqpərvərliyə görə sizə bir daha təşəkkür etmək istəyirəm.
Digər tərəfdən, qarşıdakı dövrdə təşkil edəcəyimiz iqtisadi əməkdaşlıq üzrə Birgə Hökumətlərarası Komissiyanın iclası ilə bağlı sizi ölkəmizdə qonaq etməkdən duyacağım məmnunluq hissini də qeyd etmək istəyirəm.
Bu imkandan istifadə edib Zati-alinizin sədrlik etdiyi hökumətinizə uğurlar arzulayır, sizə cansağlığı, xoşbəxtlik və can Azərbaycan xalqının rifahı üçün bir daha ən xoş arzularımı bildirirəm. Uğurlarınız daimi, birliyimiz əbədi olsun!”.
"Əli Əsədov" teqi üzrə xəbərlər
- COVID-19-la mübarizədə iştirak edən tibb işçilərinin əməkhaqlarına müddətli əlavənin vaxtı uzadılıb
- Bakıda COVID-19 xəstələrinə xidmət edən tibb işçilərinin maaşlarına əlavənin verilmə müddəti uzandı
- Nazirlər Kabinetinin üç qərarı LƏĞV EDİLDİ
- Əli Əsədov pakistanlı nazirlə strateji tərəfdaşlıq məsələlərini müzakirə edib
- Əli Əsədov təyyarə qəzasından sonra yardıma görə Qazaxıstan hökumətinə minnətdarlığını bildirdi