Diplomatlarımızın İrandan təxliyə prosesi necə aparılacaq? - YENİLƏNİB + VİDEO

“Gələcək addımlar İranın növbəti davranışlarından asılıdır”.

Bu sözləri millət vəkili Hikmət Məmmədov Azərbaycanın İrandakı səfirliyinin əməkdaşları və ailə üzvlərinin təxliyə olunması ilə bağlı danışarkən bildirib.

O qeyd edib ki, diplomatlarımızın təxliyyə edilməsi artıq fövqəladə vəziyyətdir:

“İran məntiqli və səmimi bir açıqlama verə biləcəksə, səfirlik əməkdaşlarımız geri qayıdacaq”.

Daha ətraflı Baku TV-nin süjetində:

Diplomatlarımızın İrandan təxliyə prosesi necə aparılacaq? - YENİLƏNİB + VİDEO

13:10

“Biz Azərbaycanın İrandakı səfirliyinə silahlı hücumu ən sərt şəkildə qınayırıq. Biz İran hökumətindən təcavüzkarın və təhrikçinin müəyyən edilməsi üçün lazımi addımların atılmasını tələb edirik”.

Oxu.Az-ın məlumatına görə, bu barədə Azərbaycan Xarici İşlər Nazirliyinin (XİN) Mətbuat xidməti idarəsinin rəisi Ayxan Hacızadə “TRT Haber”ə açıqlamasında bildirib.

Onun sözlərinə görə, Azərbaycan hökuməti qısa zamanda Tehran səfirliyini təxliyə etməyi planlaşdırır:

“Biz bu hücumu ən sərt şəkildə qınayırıq”.

Qeyd edək ki, 27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı səfirliyinə silahlı hücum olub. Hücum edən şəxs avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıb. Onların vəziyyəti qənaətbəxşdir.

İlhamə Əbülfət