Meksika COP29-da iştirak edəcək

Meksika iqlim məsələləri üzrə beynəlxalq əməkdaşlığı təşviq etmək üçün BMT-nin İqlim Dəyişmələri üzrə Çərçivə Konvensiyasının Tərəfləri Konfransının 29-cu sessiyasında (COP29) iştirak edəcək.

Oxu.Az xəbər verir ki, bu barədə Meksikanın xarici işlər nazirinin çoxtərəfli məsələlər və insan haqları üzrə müavini Hoel Ernandes "X" sosial şəbəkəsindəki hesabında bildirib.

Məlumata görə, o, Azərbaycanın Meksikadakı səfiri Məmməd Talıbovla görüşüb:

"Meksika bu qlobal problemin həllində beynəlxalq əməkdaşlığın təşviqi üçün iştirak edəcək".

Səfir M.Talıbov öz növbəsində "X" sosial şəbəkəsindəki hesabında qeyd edib ki, o, H.Ernandesə dövlət başçısı İlham Əliyevin adından Meksika Prezidenti Klaudiya Şeynbaum Pardoya ünvanlanan COP29-da iştirakla bağlı rəsmi dəvət məktubunu təqdim edib.

Hoy recibimos en @SRE_mx al Emb @MATalibli de @AzEmbMex para recibir la invitación para participar en la #COP29 de Cambio Climático, 11-22 Nov, Bakú, 🇦🇿

México 🇲🇽 estará presente para seguir impulsando la cooperación internacional para enfrentar este desafío de la humanidad. pic.twitter.com/nEyqhgSFnU

— Joel Hernández G. (@JoelHernandezG) August 17, 2024