Türkiyəli deputat: "Ermənistan öz konstitusiyasını dəyişməlidir"

"Şuşa Bəyannaməsindən sonra müttəfiqliyi daha da irəli aparmaq üçün TBMM və Azərbaycan Milli Məclisi arasında əlaqələrin gücləndirilməsinə ehtiyac var idi".

Bu sözləri Oxu.Az-a açıqlamasında Türkiyə Böyük Millət Məclisinin (TBMM) Türkiyə-Azərbaycan parlamentlərarası dostluq qrupunun rəhbəri Şamil Ayrım deyib.

Onun sözlərinə görə, bu məqsədlə Azərbaycan parlamentində Şimali Kipr Türk Cümhuriyyəti ilə dostluq qrupu yaradıldı:

"Bu, mütərəqqi və Şimali Kiprin Azərbaycan tərəfindən tanınmasına doğru ilk addım idi".

Türkiyəli deputat əlavə edib ki, Azərbaycan Ermənistanla sülh müqaviləsinin imzalanmasını istəyir:

"Bütün region dövlətləri buna müsbət yanaşmalıdırlar. Ermənistan da öz konstitusiyasını dəyişməlidir. Sülhün imzalanması üçün Minsk qrupunun ləğvi də vacibdir. Fransa kimi dövlətlər isə Ermənistanı ruhlandıran, Azərbaycana qarşı təhrik edən addımlar atmamalıdırlar".

Türkiyəli deputat: "Ermənistan öz konstitusiyasını dəyişməlidir"

Mərahim Nəsib