25 
Avq
2020
12:28
259
93
3792
Virtual karabakh

Məktəbli formalarının tikilişinə başlanılıb

Təhsil müəssisələrinin nə zaman açılacağı bəlli olmasa da, tək-tək məktəbli forması alanlar var.

Bu barədə Oxu.Az-a açıqlamasında “Bakı Tikiş Evi”nin satış şöbəsinin müdiri Etibar Əzimov məlumat verib.

Onun sözlərinə görə, artıq məktəbli formalarının tikilməsinə başlanılıb:

“Söhbət köhnə məktəbli formalarından gedir. Əlimizdə kifayət qədər parçalar qalıb. Mövcud vəziyyətdə təhsil müəssisələrinin nə zaman açılacağı bəlli olmasa da, məktəbli formaları alınır. Bəzi ölçüdə olan məktəbli formaları bitib.

Ehtiyat məqsədilə bütün ölçülərdə məktəbli formalarının əldə olması üçün tikiş evinin əməkdaşları iş başındadır. Biz də hər kəs kimi Təhsil Nazirliyindən məktəblərin açılacağı tarixlə bağlı məlumat gözləyirik”.

Şöbə müdiri vahid məktəbli formaları ilə bağlı məsələyə də toxunub:

“Bir neçə model hazırlanıb və təkliflər göndərilib. Hələ bu barədə təsdiq gəlməyib”.

Könül Cəfərli 

Bizimlə əlaqə saxlayın

Digər Cəmiyyət xəbərləri