Gəncədə avtomobil piyadanı vurub öldürdü

Gəncədə piyadanın ölümü ilə nəticələn yol qəzası baş verib.

APA-nın yerli bürosunun məlumatına görə, hadisə şəhərin Cavad xan qəsəbəsində qeydə alınıb.

Hərəkətdə olan minik avtomobili yolu keçmək istəyən yaşlı kişini vurub.

Piyada xəstəxanaya aparılarkən yolda dünyasını dəyişib.

Hadisə yerinə DYP əməkdaşları cəlb olunub. Piyadanın kimliyi dəqiqləşdirilir.

Faktla bağlı araşdırma aparılır.