16 
Apr
2020
23:48
188
48
3864
Virtual karabakh

Eltac Səfərli Azərbaycanda internet üzərindən keçirilən ilk yarışın qalibi oldu

16 Apr, 2020
23:48
3864

Eltac Səfərli Azərbaycanda internet üzərindən keçirilən ilk yarışın qalibi oldu

Bizim WhatsApp kanalımıza buradan abunə ola bilərsiniz

Gənclər və İdman Nazirliyi ilə Azərbaycan Şahmat Federasiyasının (AŞF) birgə təşkilatçılığı ilə keçirilən internet üzərindən superblits üzrə I Azərbaycan Kubokunun qalibi müəyyənləşib.

Oxu.Az xəbər verir ki, 106 şahmatçının qeydiyyatdan keçdiyi yarışda 92 nəfər mübarizə aparıb. 17 turdan ibarət olan yarışın qalibi Eltac Səfərli olub. Azərbaycan millisinin üzvü, Avropa çempionu Eltac Səfərli 14 xal toplamaqla hamını qabaqlayıb. Hərəyə 13.5 xal toplayan milli komandanın üzvləri Rauf Məmmədovla Qədir Hüseynov ikinci və üçüncü yeri tutub. Mükafata layiq görülən ilk 14 yerin sahibini sizə təqdim edirik:

1. Eltac Səfərli 14 xal

2. Rauf Məmmədov 13,5

3. Qədir Hüseynov 13,5

4. Nicat Abbasov 13

5. Aydın Süleymanlı 11,5

6. Ülvi Sadıqlı 11,5

7. Vüqar Rəsulov 11,5

8. Nail Bəşirli 11,5

9. Vüqar Əsədli 11,5

10. Misrətdin İsgəndərov 11

11. Məhəmməd Muradlı 10,5

12. Namiq Quliyev 10,5

13. Abdulla Qədimbəyli 10,5

14. Zaur Bayramov 10,5

Reqlamentə əsasən qadınlar arasında ən yaxşı nəticə göstərən altı şahmatçı - Gövhər Beydullayeva (30-cu yer; 9,5 xal), Günay Məmmədzadə (9,5 xal), Gülnar Məmmədova (9 xal), Xəyalə Abdulla (9 xal), Səbinə İbrahimova (9 xal) və Nərmin Xələfova (8,5 xal) pul mükafatı qazanıb.

16 yaşadək və FIDE əmsalı 2200-dən az olan şahmatçılar arasında ən yaxşı nəticə göstərən Süleyman Süleymanlı (2006-cı il təvəllüdlü, 10 xalla 23-cü yer), Tunar Davudov (2009-cu il; 10 xal), Cahandar Azadəliyev (2010-cu il; 9,5 xal) və Şiroğlan Talıbov (2006-cı il, 8,5 xal) pul mükafatlarına layiq görülüb. Qeyd edək ki, yarışın ümumi mükafat fondu 15 min manat təşkil edib.

Qalib 3 min manat qazanıb. Qadın iştirakçılar arasında ən yaxşı nəticə göstərən şahmatçı 1 000 manat əldə edib. 

Turnir "İdman TV" ilə canlı yayımlanıb.

Bizimlə əlaqə saxlayın

Digər İdman xəbərləri