Beynəlxalq MTP (Most Traveled People - Ən çox səyahət edən insanlar) səyahət klubunun üzvləri Qarabağa səfəri zamanı Füzuli, Şuşa, Xankəndidən sonra Ağdam şəhərinə gəliblər.
Oxu.Az AZƏRTAC-a istinadən xəbər verir ki, xarici səyyahlar Ermənistan silahlı qüvvələrinin Ağdamda törətdiyi vəhşiliklər, eləcə də şəhər işğaldan azad olunandan sonra Azərbaycan dövlətinin həyata keçirdiyi tikinti-quruculuq işləri ilə tanış olacaqlar.
Daha çox foto burada: PhotoStock.az
Beynəlxalq MTP (Most Traveled People - Ən çox səyahət edən insanlar) səyahət klubunun üzvləri Qarabağa səfəri zamanı Cıdır düzündə olublar.
Oxu.Az "Report"a istinadən xəbər verir ki, səfər zamanı iştirakçılar regionun zəngin mədəni və təbii irsi ilə yaxından tanış ola biliblər.
Qonaqlar Ermənistanın işğalı zamanı törədilən dağıntıların nəticələrini də öz gözləri ilə görə biliblər.
MTP ("Most Traveled People") Beynəlxalq Səyyahlar Klubunun üzvləri Qarabağ və Şərqi Zəngəzura səfəri çərçivəsində Şuşa şəhərində Azərbaycan Prezidentinin Xüsusi Nümayəndəliyinin yerləşdiyi inzibati binanı, Şuşa qalasını, Şuşa həbsxanasını ziyarət ediblər.
Oxu.Az "Report"a istinadən, səfər zamanı nümayəndə heyətinin üzvlərinə şəhərin bərpası mərhələləri, Şuşa qalasının strateji və mədəni əhəmiyyəti, həmçinin erməni işğalı dövründə məruz qaldığı dağıntılar və Şuşa həbsxanasının tarixi barədə məlumatlar verilib.
Səyyahlar həmçinin Azərbaycanın görkəmli şəxsiyyətlərinin - şairə Xurşidbanu Natəvanın, bəstəkar Üzeyir Hacıbəylinin və müğənni Bülbülün büstləri ilə tanış olublar.
Daha çox foto burada: PhotoStock.az
Dünyaşöhrətli MTP (Most Traveled People) beynəlxalq səyahətçilər klubunun 30 nəfərlik heyəti Qarabağ və Şərqi Zəngəzura səfəri çərçivəsində Şuşa şəhərinə gəlib.
Oxu.Az AZƏRTAC-a istinadən xəbər verir ki, dünyanın 15 ölkəsindən gələn səyyahlar Şuşanın əsrarəngiz təbiəti, tarixi məkanları və burada aparılan quruculuq işləri ilə tanış olurlar.
Bu gün dünyaşöhrətli MTP (Most Traveled People) beynəlxalq səyahətçilər klubunun Qarabağ və Şərqi Zəngəzura səfəri başlayıb. Onlar ilk olaraq Füzuli şəhərinə gəliblər.
Oxu.Az AZƏRTAC-a istinadən xəbər verir ki, səfərin ilk günündə Səyyahlar Füzuli Beynəlxalq Hava Limanı ilə tanış olublar. Ardınca onlar işğal dövründə dağıdılan ərazilərə baxıb, eyni zamanda, azad edilən Füzulidə aparılan tikinti-quruculuq işlərinin şahidi olublar.
15 ölkədən səyyahların yer aldığı heyətə MTP klubunun təsisçisi, amerikalı Çarlz Vili rəhbərlik edir. Heyət üç gün ərzində avtomobil yolu ilə Füzuli-Xocavənd-Şuşa-Xankəndi-Xocalı-Ağdam-Kəlbəcər-Laçın-Zəngilan-Cəbrayıl xətti üzrə hərəkət etməyi planlaşdırır. Bu səfər işğaldan azad edilmiş ərazilərin "black tourism" çərçivəsində tanıdılması, nəhəng bərpa-quruculuq işlərinin nümayişi üçün böyük imkan yaradır.
Beynəlxalq səyahətçilər son dörd il ərzində dünyanın əsas beynəlxalq səyahətçilər klublarının xətti ilə Qarabağ və Şərqi Zəngəzura 13 dəfə səfər ediblər.
