Dünyanın ən güclü silahı Azərbaycan ordusunda - VİDEO

Azərbaycan Silahlı Qüvvələri öz arsenalını dünyanın ən güclü snayper silahı ilə gücləndirib. 

Oxu.Az xəbər verir ki, bu, “Aerotek” şirkəti tərəfindən hazırlanan və Cənubi Afrikanın “Denel” şirkətinin “Mechem” bölməsi tərəfindən istehsal edilən genişçaplı “Mechem NTW-20” (Denel NTW-20) snayper silahıdır.  

Silah Azərbaycan Müdafiə Nazirliyinin bölmələrinin qış mövsümünə hazırlığının yoxlanılması ilə bağlı yayımladığı foto-hesabatında görünüb. 

Dünyanın ən güclü silahı Azərbaycan ordusunda - VİDEO

“Mechem NTW-20” silahının effektivliyi sursatın qəlpələnməsidir ki, bu da 10 metr diametrdə düşməni məhv etməyə imkan verir. Effektiv məsafəsi 1,5 kilometrdir. 

Bundan başqa, silah yaradıcısı bu kompleksə 14,5 millimetrlik sursat da əlavə edib. Bu güllə təsadüfi seçilməyib – tətbiq edilmiş sursat 2 kilometr məsafədə istənilən zirehli gödəkçələri dələ bilər. 

Ə.Ş.
www.oxu.az