Feodosiya limanında baş verən partlayış nəticəsində zədələnən desant gəmisinin son görüntüləri yayılıb.
Kadrları Ukrayna “Telegram” kanalları paylaşıb.
“Novoçerkassk”dan geri qalanlar”, - şərhi ilə paylaşılan fotolarda limanda yanalma körpüsü fonunda batan gəminin qalıqları əks olunub.
11:49
Feodosiya limanında baş verən partlayış nəticəsində iri desant hərbi gəmisi “Novoçerkassk” zədələnib.
Bu barədə Rusiya Müdafiə Nazirliyinin mətbuat xidməti məlumat yayıb.
Bildirilir ki, Ukrayna Hərbi Hava Qüvvələri limana idarəolunan raketlərlə hücum edib.
“Jovten kəndi ərazisində hava döyüşü zamanı Ukraynanın iki Su-24 bombardmançı təyyarəsi məhv edilib”, - deyə qurumdan vurğulanıb.
Krımın hazırkı rəhbərliyindən isə bildirilib ki, Feodosiyaya gecə hücumu nəticəsində bir nəfər ölüb, daha iki nəfər yaralanıb. Liman ərazisində baş vermiş yanğın uğurla lokallaşdırılıb.
Qeyd edək ki, Ukrayna Silahlı Qüvvələrinin Krımın Feodosiya şəhəri bölgəsinə zərbələri nəticəsində dəmiryol vağzalına da ziyan dəyib. Zərbədən sonra yaranan partlayış dalğası vağzalın pəncərələrini sındırıb, həmçinin divarların suvağı ovulub tökülüb.
07:01
Ukrayna Hərbi Hava Qüvvələri Krım yarımadasının Feodosiya şəhərinin limanında “Novoçerkassk” desant gəmisini məhv edib.
Bu barədə Ukrayna Hərbi Hava Qüvvələrinin komandanı Mıkola Oleşşuk “Telegram” kanalında bildirib.
“Rusiyada donanma getdikcə azalır. Bu dəfə Rusiyanın Qara dəniz flaqmanı “Moskva” kreyserini böyük “Novoçerkassk” desant gəmisi müşayiət edir”, - o vurğulayıb.
Krımın hazırkı rəhbərliyindən bildirilib ki, limanın ərazisi bağlanıb, yanğın lokallaşdırılıb, hadisə yerində müvafiq strukturların əməkdaşları çalışırlar.
