Misli Premyer Liqası: "Neftçi" "Turan Tovuz"la bərabərə qaldı

Misli Premyer Liqasının XXVI turunun son oyununda "Neftçi" "Turan Tovuz"la bərabərə qalıb.

Oxu.Az xəbər verir ki, "Neftçi Arena"da baş tutan matçda 1:1 hesablı heç-heçə qeydə alınıb.

Hesabı ev sahiblərinin heyətində 88-ci dəqiqədə Bassala Sambu açıb. 90+5-ci dəqiqədə qərb təmsilçisi məğlubiyyətdən xilas olub. Hayderson Hurtado dəqiq zərbə müəllifi olub.

Qonaqların heyətində Emmanuel Hakman 18-ci dəqiqədə qırmızı vərəqə alıb.

"Neftçi" 28 xalla turnir cədvəlinin 6-cı sırasında yer alıb. "Turan Tovuz" isə 43 xalla 4-cüdür.

Qeyd edək ki, turun əvvəlki oyunlarında "Qarabağ" "Araz-Naxçıvan"ı 3:1, "Şamaxı" "Sabah"ı, "Zirə" "Səbail"i 1:0, "Sumqayıt" isə "Kəpəz"i 2:0 hesabı ilə məğlub edib.

17:33

Bu gün Misli Premyer Liqasının XXVI turunda "Kəpəz"i doğma meydanda qəbul edən "Sumqayıt" 11 oyunluq qol "orucu"nu pozmağı bacarıb.

Oxu.Az xəbər verir ki, görüşün 20-ci dəqiqəsində hesabı açan Roy Kehat komandasını hesabda irəli çıxarıb.

Qeyd edək ki, Vaqif Cavadovun yetirmələri sonuncu dəfə ötən il dekabrın 8-də "Neftçi"yə 2:0 hesabı ilə qalib gəldikləri matçda qol vurublar.

09:08

Bu gün Misli Premyer Liqasıda XXVI turun son oyun günündə iki görüş keçiriləcək.

Oxu.Az xəbər verir ki, "Sumqayıt" "Kəpəz"i saat 17:00-da, "Neftçi" isə "Turan Tovuz"u saat 19:30-da qəbul edəcək.

Xatırladaq ki, turun ilk oyunlarında "Zirə" "Səbail"i, "Şamaxı" "Sabah"ı 1:0, "Qarabağ" isə "Araz-Naxçıvan"ı 3:1 hesabı ilə məğlub edib.

Qeyd edək ki, hazırda aktivində 63 xalı olan "Qarabağ" bütün rəqiblərini qabaqlayaraq turnir cədvəlinin lideridir. "Zirə" 51 xalla ikinci, "Araz-Naxçıvan" isə 46 xalla üçüncüdür. 42 xalı olan "Turan Tovuz" dördüncü sırada qərarlaşıb. Beşinci pillədəki "Sabah"ın 34 xalı var. Hərəyə 27 xalı olan "Neftçi" və "Şamaxı" altıncı və yeddinci yerləri bölüşür. Hərəyə 22 xalı olan "Sumqayıt" və "Kəpəz" isə səkkizinci və doqquzuncu sıralardadır. 18 xalı olan "Səbail" isə turnir cədvəlinin 10-cusu, yəni sonuncusudur.

10 mart

Misli Premyer Liqası

XXVI tur

Saat 17:00, "Suqmayıt" - "Kəpəz";

Saat 19:30, "Neftçi" - "Turan Tovuz".