"Nissan" ən köhnə modelini canlandıracaq

Yaponiyanın "Nissan" şirkəti 1990-2007-ci illərdə istehsal olunmuş "Primera" modelini yenidən canlandırmağı planlaşdırır.

Oxu.Az xəbər verir ki, bu barədə carscoops.com məlumat yayıb.

Sosial şəbəkə istifadəçiləri "Nissan"ın Malayziyada qeydiyyat üçün təqdim etdiyi ticarət nişanı barədə ərizəsini aşkar ediblər. Qeyd olunur ki, ərizədə "Primera" sözü yazılıb və statusu "qeydiyyatı gözlənilir" kimi göstərilib.

Məlumata görə, gələcək "Primera" elektrik avtomobilinə çevrilə və "Tesla Model 3", "Mazda 6e" və "Volkswagen ID.7" ilə rəqabət apara bilər. Ehtimal olunur ki, bu, şirkətin Çinin "Dongfeng" şirkəti ilə tərəfdaşlığının bir hissəsi kimi həyata keçirilə bilər.