20 yaşlı gənc qızın son iki günü qalıb: Yaşaması üçün dəstəyə ehtiyacı var

20 yaşlı Ayselin sizin dəstəyinizə ehtiyacı var.

Bu barədə Oxu.Az-a onun anası Səbinə Məmmədova məlumat verib.

O bildirib ki, övladı dörd dəfə beynindən əməliyyat olunub:

"Ayselin beş yaşı olanda qulağından çirk gəlməyə başladı, buna görə də əməliyyat olundu. Daha sonra vəziyyəti get-gedə pisləşməyə başladı. 2021-ci ilə qədər dörd dəfə beyin əməliyyatı keçirdi. Qulağının arxasında sümük olmadığı üçün ora implant taxılmışdı. Amma implant həm qırılıb, həm də şişdiyi üçün Aysel yenidən əməliyyat edildi. Əməliyyat zamanı qırılmış implant çıxarılıb, yerinə yeni implant qoyuldu".

Səbinə Məmmədova qızının müayinəsi üçün dəstəyə ehtiyacları olduğunu deyib:

"Biz dəfələrlə sizin saytın izləyicilərinin dəstəyi ilə Türkiyədə müayinələrdən keçmişik. Hazırda Ayseli yenidən Türkiyəyə müayinəyə aparmalıyam. Son aylarda onun vəziyyəti çox ağırlaşıb. Ürəkgetməsi başlayıb. İnanın, bilmirəm nə edim. Yardımsevər bir qardaş bizim üçün Ankaraya getməyə bilet alıb, ayın 16-da yola çıxırıq. Orda keçəcəyimiz müayinələr üçün lazım olan 2 800 manatın cəmi 300 manatını toplaya bilmişəm. İnanın, əlimdən nə gəlir edirəm, amma toplaya bilmirəm bu məbləği. Yardımsevər şəxslərdən bizə dəstək olmalarını xahiş edirəm".

Ailə ilə əlaqə: (051) 700-07-92.

"Leo Bank": 5411 2498 0785 0289.