Ağdamda dəmir yolu və avtovağzal kompleksinin inşasına başlanılıb - VİDEO

Ağdamda dəmir yolu və avtovağzal kompleksinin tikintisinə başlanılıb.

“Report” xəbər verir ki, bunu “Azərbaycan Dəmir Yolları” QSC-nin (ADY) sədri Rövşən Rüstəmov jurnalistlərə açıqlamasında bildirib.

Onun sözlərinə görə, layihədə son razılaşdırma işləri gedir:

“Hazırda Qarabağda bizim iki layihəmiz həyata keçirilir. Bunlardan biri Bərdə-Ağdam layihəsidir ki, artıq layihənin böyük hissəsi tamamlanıb”.

O qeyd edib ki, Ağdam şəhərinə qədər dəmir yolu xətti çəkilib:

“Ümumilikdə layihənin 85%-i icra olunub. Sadəcə son stansiyalar - Təzəkənd, Bərdə, Köçəri stansiyalarının tikintisi həyata keçirilir və yaxın vaxtlarda yekunlaşacaq”.

R.Rüstəmov bildirib ki, Horadiz-Ağbənd layihəsi üzrə isə işlərin 45%-i həyata keçirilib:

“Layihə sürətlə həyata keçirilir. Layihənin 2025-ci ildə yekunlaşdırılması nəzərdə tutulub”.

Ağdamda dəmir yolu və avtovağzal kompleksinin inşasına başlanılıb - VİDEO