"Ağsu rayonunda yol-tikinti layihəsində baş vermiş bədbəxt hadisə ilə bağlı hazırda Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətində araşdırma aparılır".
Bu barədə Oxu.Az-ın sorğusuna cavab olaraq Dövlət Əmək Müfəttişliyi Xidmətindən məlumat verilib.
Bildirilib ki, araşdırmanın nəticəsinə əsasən, qanunvericiliyə uyğun tədbirlər görüləcək.
"Əməyin mühafizəsi qaydalarının pozulması və ya işçilərin iş yerlərində sağlam və təhlükəsiz əməyinin mühafizəsi şəraiti ilə təmin edilməməsi İnzibati Xətalar Məcəlləsinin 198-ci və 199-cu maddələrinə əsasən inzibati məsuliyyətə səbəb olur", - deyə məlumatda qeyd edilib.
Xatırladaq ki, aprelin 16-da Ağsuda güclü sel ekskavatoru aşırıb. Ekskavatorda olan dörd nəfərdən biri hadisə yerində ölüb. Digər üç nəfər müxtəlif dərəcəli bədən xəsarətləri alıb.
Aləmdə Nəsib
