Cari il ərzində Azərbaycanda 30-a yaxın dini ədəbiyyatın çapına qadağa qoyulub.
Oxu.Az-ın məlumatına görə, bunu Dini Qurumlarla İş üzrə Dövlət Komitəsinin Dinşünaslıq ekspertizası şöbəsinin müdiri Nahid Məmmədov deyib.
O bildirib ki, bu istiqamətdə görülən işlərin məqsədi həmin kitablarda qeyd edilən yanlış fikirlərin təbliğinin qarşısını almaqdır:
“Həmin kitablarda Azərbaycandakı multikultural dəyərlərə zidd olan fikirlərin olması və müəyyən məqsədlərlə xidmət etməsi aşkarlanıb. Ölkəyə idxal edilən dini ədəbiyyatların sayında müəyyən qədər məhdudiyyətlər tətbiq olunub.
Həmin kitablar milli-mənəvi dəyərlərimizə zidd təbliğata xidmət etdiyindən qərəzli və ölkə əleyhinə məlumatlar yaymağa cəhd etdiyindən qarşısı alınır. Bu kimi kitabların sayı təxminən 800-ə yaxındır”.
Könül Cəfərli
www.oxu.az
